Patay ang isang Pinoy matapos maaksidente sakay ng kanyang hoverboard sa Mushrif Park sa Dubai.
Sa inisyal na imbestigasyon ng Dubai Traffic Police, nawalan ng balanse ang hindi pa pinangalanang Pinoy habang nakasakay sa hoverboard saka tumama sa poste ng ilaw.
Dahil sa mga aksidente sa lansangan na may kaugnayan sa paggamit ng hoverboard, ipinagbawal na ng Traffic Federal Council sa United Arab Emirates ang paggamit nito sa mga public roads.
Base naman sa ulat ng Khaleej Times, ito na ang ikalawang hoverboard-related death sa UAE matapos ang pagkasawi ng isang 6 na taong gulang na Ermirati noong Oktubre ng nakalipas na taon na nasagasaan ng kotse habang gamit ang kanyang hoverboard.
By Meann Tanbio | Allan Francisco
