Arestado ang isang filipino college teacher sa Raleigh-Durham International Airport sa North Carolina matapos masangkot sa child pornography.
Kinilala ang suspek na si Jestoni Jumaquio Pestaño na agad na dinala sa Halifax County Sheriff’s Office at inisyuhan ng warrant para sa kasong felony second degree sexual exploitation of a minor.
Nabatid na nakatanggap ng impormasyon ang Halifax County Sheriff’s Office Criminal Investigations Division tungkol sa child pornography na ipinadala sa halifax county sa pamamagitan ng instagram.
Batay sa isinagawang imbestigasyon ng mga otoridad, nagmula sa isang Local IP Address ang malalaswang larawan ng menor de edad at natukoy bilang suspek si Pestaño.
Kaugnay nito, patuloy pa rin ang imbestigasyon ng mga otoridad hinggil sa kaso.
– sa panunulat ni Maianne Dae Palma
