Patay ang isang Pinoy worker habang nagkakalas ng roller coaster ride sa isang carnival sa Hong Kong.
Kinilala ni Vice Consul Alex Vallespin ang biktima na si Norman Canlas Padilla, 25 anyos.
Ayon sa report bumagsak ang anim na metrong taas ng platform habang kinakalas ito ni Padilla sa Central Harbour Front.
Bumagsak ang ulo ni Padilla sa sahig at kaagad nawalan ng malay subalit isinugod pa rin sa ospital kung saan siya idineklarang dead on arrival.
Lumipad na pa Hongkong mula sa Middle East ang kapatid ni Padilla para kilalanin ang labi nito sa Victoria Public Mortuary.
Sagot ng kumpanyang TGEC ang repatriation ng labi ni Padilla at maging ang funeral charges dito.
By: Judith Larino
