Umabot na sa P251 million ang kabuuang halaga ng pinsala sa mga irigasyon kasunod ng magnitude 7 na lindol sa northern Luzon.
Ito ang inanunsiyo ng National Irrigation Administration (NIA) na karamihan sa mga irigasyong nasira ay mula sa lalawigan ng Abra at Ilocos Sur.
Ayon kay NIA administrator Benny Antiporda, sisikapin ng kanilang ahensya, na agarang matapos ang pagkukumpuni sa mga nasirang irigasyon sa loob ng 45 araw.
Samantala, tiniyak din ni Antiporda na ligtas at walang naitalang pinsala sa mga dams sa northern Luzon matapos ang lindol.
