Patay ang pinuno ng isang sindikato sa engkuwentro sa Dona Remedios Trinidad sa Bulacan.
Nakilala ang nasawi na si Bryan Raga, pinuno ng Raga Gun for Hire at carnapping group matapos manlaban sa mga pulis na magsisilbi ng warrant of arrest laban sa kanya.
Patay din ang isa pang kasamahan ni Raga samantalang arestado naman ang isang Joel Bernales habang nakatakas ang isa pang suspek na si Juan Ragsa.
Nasabat sa hideout ng grupo ang isang granada, 9mm, shotgun at 45 caliber.
