Kumpirmadong nasawi ang pinuno ng Taliban sa Afghanistan matapos tamaan ng drone strikes ng Estados Unidos.
Kinilala itong si Mullah Fazlullah, ang insurgent leader na nag-utos ng pagpatay sa Nobel Peace Prize Winner na si Malala Yousafzai na nakaligtas din sa naturang tangkang pagpatay.
Ayon kay Afghan Defense Ministry Spokesman Mohammad Radmanish, maliban kay Fazlullah, dalawa pang kasamahan nito ang nasawi sa pag-atake ng US forces.
Sinasabing ang Taliban leader ang pinakatarget ng inilunsad na counterterrorism strike ng US sa border region sa pagitan ng Afghanistan at Pakistan.
