Nagkaroon ng engkuwentro sa pagitan ng mga tauhan ng Philippine Coast Guard (PCG) at ng mga hinihinalang pirata sa karagatang sakop ng Zamboanga.
Ito’y matapos ang tangkang paglusob sa cargo vessel na M/V Ocean Kingdom na bumibiyahe mula Zamboanga patungong Davao region.
Ayon kay Commander Armand Balilo, tagapagsalita ng Coast Guard, sinalakay ang nasabing barko sa layong 25 nautical miles silangan ng Matanal Point, Sibago Island sa lalawigan ng Basilan.
Nakatanggap umano ng tawag ang isa pang cargo vessel ng kumpanyang ocean shipping lines mula sa M/V Ocean Kingdom hinggil sa umano’y pagsalakay ng ilang armadong lalaki.
Dahilan upang agad maipagbigay alam sa coast kaya’t napigilan ang tangkang pangha-hijack sa nasabing cargo vessel.
By Jaymark Dagala
