Pito ang sugatan habang isa ang kritikal sa pagsabog ng IED o Improvised Explosive Device sa General Santos City kanina.
Tinukoy ang mga biktima na sina Marlon Orabia, tatlumpung taong gulang; Jerry Guyos, labingsiyam na taong gulang; Joana Bless Alipio, tatlong taong gulang; Filipa Regidor, animnapu’t apat na taong gulang; John Lennon Calang, dalawampu’t dalawang taong gulang at Claire Uozola, dalawampu’t apat na taong gulang.
Nangyari ang pagsabog sa tabi ng isang pharmacy shop sa national highway ng nasabing lungsod.
Dahil dito, pinakikilos na ni PNP Chief Director General Oscar Albayalde ang pulisya upang matukoy ang mga salarin sa insidente.
Nanawagan din si Albayalde sa publiko na maging kalmado at maging mapagmatiyag upang mapigilan ang paglaganap ng terorismo sa Mindanao.
