Inaasahan ng Parañaque Intergrated Terminal Exchange (PITX) na aabot sa higit 160,000 hanggang 170,000 na pasahero ang dadagsa dahil sa nalalapit na holiday season.
Ayon kay PITX Spokesperson Jason Salvador, sa ngayon, umaabot sa 130,000 na pasahero kada araw.
Anya, libo-libong katao ang inaasahan na magtutungo sa mga probinsya para sa holiday.
Tinitiyak naman ng PITX na maayos ang pasilidad ng kanilang transportasyon at pahihigpit sa kanilang seguridad para sa mga biyahero.
Naghahanda na rin ang PITX para sa magdamagang operasyon ng EDSA bus carousel. - sa panunulat ni Jenn Patrolla
