Inilatag na ni Davao City Mayor Rodrigo Duterte ang kanyang plano sa kung paano niya susupilin ang krimen sa loob lamang ng tatlo hanggang anim na buwan.
Sa panayam kay Duterte sa Lipa City sa Batangas, sinabi nito na kanyang ituturing bilang national security issue ang banta ng droga.
Palalakasin din ng alkalde ang kapangyarihan ng pulisya at militar sa pamamagitan ng pagbibigay ng mataas na suweldo at magandang benepisyo.
Sa ganitong paraan aniya, hindi na mahihikayat pa ang mga ito na gumawa pa ng katiwalian dahil sa maayos naman ang kanilang kalagayan.
Balak din ng alkalde na palawakin ang saklaw ng 911 ng Davao na nagbibigay aniya ng dekalidad na serbisyo sa mga taga-Davao sa usapin ng kalamidad at emergency.
By Jaymark Dagala
