Kinuwestyon ng grupong Bagong Alyansang Makabayan o BAYAN ang planong dagdagan ng limang piso ang pasahe sa LRT-1.
Ayon kay BAYAN Secretary General Renato Reyes, kuwestyonable ang rason na ibinigay ng operator ng LRT-Line 1 kung bakit kailangan nilang magtaas ng pasahe.
Sinabi ni Reyes na hindi dapat ipabalikat sa mga commuters ang pagtupad sa pangakong expansion ng LRT -1 sa Sucat , Las Piñas at Bacoor.
Ang LRMC o Light Rail Manila Corporation na operator ng LRT-1 ang anya’y nangakong ibabangon at pagagandahin ang operasyon ng LRT pero ang kinalabasan ay ipapasa rin pala ito sa mga commuters.
—-
