Planong pag boycott ng oposisyon sa SONA ng Pangulo wala umanong epekto

Hindi apektado ang  Malakanyang  sa  plano ng  ilang  oposisyong  mambabatas at  ilang  personalidad na  iboykot  ang  ikalawang  State  of the  Nation Address  ni Pangulong  Rodrigo Duterte.

Sinabi  sa  DWIZ  ni  Presidential  Communications Secretary  Martin Andanar  na   mayroong  demokrasya sa  bansa  at  hindi naman pinipilit  ang  lahat  na  dumalo sa  SONA  ng  Presidente.

Kung  ayaw  dumalo  sa  Batasan  ang  oposisyon ay walang   problema  aniya  dahil maaari naman ang  mga  ito na  manood  sa  telebisyon o makinig sa  radyo.

Kabilang  sa  posibleng  hindi  dumalo sa  SONA  ni Pangulong  Duterte  ay  si dating  Pangulong  Benigno “noynoy” Aquino III, at  ilang  senador  na  nasa  oposisyon.

By: Aileen Taliping

Comments

comments