Napigilan ng mga otoridad ang planong pamimirata sa isang barko sa katubigang bahagi ng Siocon, Zamboanga del Norte.
Ayon kay Captain Jo Ann Petinglay, spokesperson ng Western Mindanao command, tinangkang i-kumander ng mga armadong grupo sakay ng tatlong (3) motor banca ang MV Annabelle nang masaklolohan ito ng naval at air forces.
Sinabi ni Petinglay na kaagad dumating ang naval ships at dalawang (2) air force choppers ang idineploy sa area matapos magpadala ng distress call ang crewmen at ini-report ang paparating na mga suspek.
Kaagad aniyang umatras ang mga suspek nang maramdamang nasa paligid na ang naval at air force units.
Ang MV Annabelle ay ligtas nang nakahimpil sa Zamboanga City.
By Judith Larino
