Tuloy na ang nakatakdang plebisito para sa Bangsamoro Organic Law (BOL) sa darating na Enero 21.
Ito’y matapos hindi maglabas ang Korte Suprema ng temporary restraining order (TRO) laban sa implementasyon ng batas.
Inanunsyo ni Supreme Court Spokesperson at Court Administrator Jose Midas Marquez na dahil walang TRO, ang plebisito ay isasagawa na nabanggit na petsa.
Inatasan naman ng mataas na hukuman ang ehekutibo at ang Kongreso na maghain ng komento ukol sa mga petisyon laban sa BOL, sa loob ng sampung araw.
Isa sa mga petisyon ay mula sa lalawigan ng sulu habang ang isa pa ay inihain ng Philippine Constitution Association (PHILCONSA).
Nauna nang sinabi ng Commission on Elections (Comelec) na handa na sila sa plebisito para sa BOL.
—-
