Pinagkalooban ni Pangulong Rodrigo Duterte ng bahay at lupa ang nagtapos na valedictorian ng Philippine Military Academy ngayong taon na si Cadet First-Class Jaywarden Galilea Hontoria.
Si Hontoria ang nanguna at nag – uwi ng pinakamaraming parangal sa nagsipagtapos na 282 miyembro ng PMA Alab Tala Class of 2018.
Kabilang sa mga parangal na ito ay ang Presidential Saber Award na ibinigay mismo ni Pangulong Duterte, Philippine Navy Saber at Chief of Staff Saber.
Ito ang kauna – unahang pagkakataon na nagbigay ang pangulo ng bansa ng house and lot sa nagtapos na valedictorian ng PMA.
