Tiyak na hindi mawawalan ng puwesto si Pangulong Benigno Aquino III sa sandaling mahalal na pangulo si Senadora Grace Poe.
Ayon sa Senadora, naniniwala siyang magiging epektibong tagapayo si Pangulong Aquino sa pagsugpo sa korapsyon kaya naman itatalaga niya ito bilang anti-corruption adviser.
Inihayag pa ng senadora na maaari ring ipadala ang pangulo bilang kinatawan ng bansa sa mga pagtitipon subalit nilinaw nito na hindi bilang ambassador.
Inihalimbawa pa ni Poe ang naging papel ni dating Pangulong Fidel Ramos na nagsilbi bilang special international envoy sa ilalim ng administrasyong Arroyo.
By Jaymark Dagala
