Ipinagmalaki ng Philippine National Police (PNP) na wala silang naitalang bagong kaso ng COVID-19 sa 4 na sunod na araw.
Ito ang dahilan kaya’t nananatili ang total cases nila sa 48,858 kung saan, 2 lang ang aktibong kaso.
Gumaling na rin ang 2 pa nilang tauhan mula sa sakit kaya’t nadagdagan ang kanilang total recoveries sa 48,728.
Wala ring naitalang bagong nasawi sa hanay ng PNP dahil sa virus kaya’t nakapako sa 128 ang kanilang total death toll.
Sa kabila nito, mahigpit pa rin ang paalala ng PNP sa kanilang mga tauhan na paigtingin ang pagpapatupad ng health protocols sa mga kampo. —ulat mula kay Jaymark Dagala (Patrol 9)
