Nagpasaklolo sa Department of Justice si PNP AIDG Chief Col. Albert Ignacios Ferro para sa mga legal na aspeto kaugnay ng nadiskubre nilang shabu laboratory sa Virac, Catanduanes.
Ipinabatid ni Justice Secretary Vitaliano Aguirre na nagpadala na siya ng Dalawang piskal sa nabangit na lugar para umayuda sa mga operatiba ng PNP-AIDG.
Batay sa paunang report na nakarating sa kalihim, ang nasabing shabu lab ay iniuugnay umano kay Catanduanes Governor Joseph Cua na sinasabing supplier naman ni Kerwin Espinosa ng illegal na droga.
Sinasabing kasosyo ni Cua sa nasabing shabu lab si Samuel Laynes na alkalde ng Virac.
Kabilang din sa mga nasa hotwater ngayon si NBI Regional Director Erick Isodoro na sinibak na sa pwesto na sinasabi namang may-ari ng property kung saan natagpuan ang shabu lab.
By: Meann Tanbio / Bert Mozo
