Pinayagan ng Philippine National Police na makaalis ng Kampo Krame si Lovely Impal, ang di umanoy supplier ng illegal drugs ni Kerwin Espinosa.
Ayon kay Senior Supt. Albert Ferrero, hepe ng PNP Anti-Illegal Drugs Group, hindi nila puedeng pigilan sa Kampo Krame si Impal dahil wala pang kasong naisasampa laban dito.
Gayunman, nasa isang ligtas na lugar naman anya si Impal kasama ang kanyang pamilya at ang security na ibinigay sa kanya ng PNP.
Binigyan ng security si Impal makaraang kusang magtungo at magpakustodiya sa PNP dahil sa di umanoy banta sa kanyang buhay kasund ng pagdawit sa kanya ni Espinosa sa illegal drug trade sa Eastern Visayas.
By: Len Aguirre / Jonathan Andal
