Nag-sorry si Philippine National Police o PNP Chief Director General Ronald ‘Bato’ Dela Rosa matapos niyang tawaging mga ingrato ang mga kritiko ng giyera kontra droga ng administrasyon.
Aminado si Dela Rosa na napipikon na siya sa mga bumabatikos sa kanilang kampanya kontra droga kaya’t hindi niya maitago ang kanyang emosyon.
Nilinaw ni Dela Rosa na hindi dapat tanawing utang na loob sa kanila ng publiko at maging ng mga kritiko ang paglaban nila sa illegal drugs dahil trabaho ng PNP na protektahan ang bansa at ang mamamayan nito.
(Ulat ni Jonathan Andal)
