Inatasan na ni PNP Chief Ronald Dela Rosa ang CIDG na pangunahan ang pag-aresto sa mga consultant ng National Democratic Front of the Philippines alinsunod sa kautusan ni Pangulong Rodrigo Duterte.
Ayon kay Dela Rosa, makikipag-ugnayan na sa Bureau of Immigration ang CIDG para dakpin ang mga uuwi pa lamang na consultants.
Sakali man anyang nandito na sa Pilipinas ang mga ipinaarestong consultants, ipahahanap, aniya, agad ang mga ito.
Sinabi ni Dela Rosa na gagamitin nila sa pag-aresto ang kanilang mga standing warrant of arrest na una nang naging batayan ng kanilang pagkakakulong bago pansamantalang pinalaya para sa peace talks.
By: Avee Devierte / Jonathan Andal
