Ibinunyag ni PNP chief director general Ronald Dela Rosa na hindi lang mga drug lord sa Pilipinas ang nagbabanta sa kanyang buhay kundi maging ang mga international drug lord.
Ayon kay Dela Rosa, masyado nang tinatamaan ang mga operator ng droga sa Pilipinas at sa iba pang bansa sa kampanya ng administrasyong Duterte kontra iligal na droga.
Pero, sinabi ni Dela Rosa na hindi ito ang magiging dahilan para itigil nila ang kanilang kampanya laban sa illegal drugs, sabay giit na hindi siya natatakot mamatay dahil batid naman niya ang panganib nang pasukin ang giyera laban sa ipinagbabawal na gamot.
Una nang sinabi ng PNP chief na hindi na nakaka-order pa sa China ang mga drug lord sa Bilibid dahil sinisiguro ngayon ng PNP special action force na hindi makapapasok ang anumang uri ng gamit pang komunikasyon sa loob ng kulungan.
By Meann Tanbio
