Umapela rin si PNP Chief Dir. Gen. Ronald Bato Dela Rosa sa patas na pagbabalita sa kampanya kontra droga ng Pilipinas.
Ito ang inihayag ni Dela Rosa isang araw matapos manawagan sa media si Tourism Secretary Wanda Teo na maghinay-hinay ang mga mamamahayag sa pagbabalita hinggil sa war on drugs.
Pakiusap ni Dela Rosa, huwag sanang idiin masyado ng media ang datos sa anti-illegal drugs campaign at palabasin na masama ang war on drugs ng administrasyong Duterte.
Kung magbabalita anya ng masama dapat ay may ibalita ring maganda para balanse ang pagtingin ng publiko sa sitwasyon sa Pilipinas.
By: Drew Nacino
