Nagbigay ng mensahe si outgoing Philippine National Police (PNP) Chief Police General Guillermo Eleazar sa susunod na bagong talagang hahalili sa kaniyang puwesto na si PLTG. Dionardo Carlos.
Ayon kay Eleazar, taglay ni Carlos ang lahat ng katangian at kwalipikasyon para sa pinakamataas na posisyon sa PNP na nakita sa kaniya ni Pangulong Rodrigo Duterte.
Bukod pa dito, sinabi din ni Eleazar na bilang Chief of the Directorial Staff, naging mahalagang instrumento si Carlos sa pagsulong ng Intensified Cleanliness Policy sa PNP.
Tiniyak naman ni Eleazar kay Carlos ang kahandaang tumulong sa ilalim ng pamumuno nito sa anumang kapasidad bilang dating pinuno ng ahensya.
Nanawagan din ng pagkakaisa si Eleazar sa mahigit dalawang daan at dalawampung libong tauhan ng ahensya at suportahan ang susunod nilang pinuno.—sa panulat ni Angelica Doctolero
