Handang mamuno sa isang vigilante group si Philippine National Police o PNP Chief Director General Ronald Dela Rosa sa sandaling magretiro ito sa serbisyo.
Nagpahayag ng pangamba si Dela Rosa na bumalik sa kanilang mga iligal at tiwaling gawain ang mga pulis kapag hindi na siya ang hepe ng PNP.
Dahil dito, tiniyak ni Dela Rosa na itutuloy niya ang kampanya laban sa mga ‘scalawag’ na pulis kahit pa magretiro na siya sa serbisyo.
Binigyang diin pa ni Dela Rosa na handa syang maging vigilante at makipagbarilan sa mga tiwaling pulis kayat kung hindi aniya sa bilangguan ay baka sa ilalim ng lupa mapunta ang mga ito.
(Ulat ni Jonathan Andal)
