Patuloy parin sa imbestigasyon ang Special Investigation Task Group ng Philippine National Police (PNP) kaugnay sa bumagsak na PNP chopper kamakailan sa Quezon Province.
Matatandaang isang pulis ang nasawi habang dalawa naman ang nasugatan sa naganap na aksidente.
Sa pahayag ni Col. Jean Fajardo, tagapagsalita ng PNP, sisilipin ngayong araw ng manufacturer ng PNP Airbus ang lugar para alamin ang dahilan ng pagbagsak ng helicopter.
Patuloy namang nagpapagaling sa ospital ang piloto ng nasabing chopper habang nakalabas na sa ospital ang co-pilot nito.
Ang nasabing chopper ay magsusundo sana kay PNP Chief Gen. Dionardo Carlos sa Balesin Island sa Quezon Province para umattend sa aktibidad ng Camp Crame ng bumagsak ito. —sa panulat ni Angelica Doctolero
