Labis na ikinadismaya ni PNP CIDG director c/supt. Roel Obusan ang mga sagot ng ilan sa 30 local chief executive na sumuko kahapon
Ito’y makaraang dalawa lamang sa nasabing bilang ang umamin na sila’y sangkot sa operasyon ng iligal na droga
Habang isa lamang sa mga iyon ang nagsiwalat ng kaniyang nalalaman at itinanggi naman ng iba pa ang aligasyon laban sa kanila
Magugunitang pinauwi rin ang 30 lokal na opisyal na naproseso ng CIDG kahapon makaraang sumailalim sa debriefing at makapagbigay ng judicial affidavit
Gayunman, sinabi ni Obusan na maaari pa ring pabalikin ang mga nasabing opisyal upang sumailalim sa imbestigasyon
“Chairman ka rin ng peace and order council, you have full supervision operational sa mga pulis ngayon sasabihin mo wala kang alam it does not put sense na hindi mo malalaman kasi even if just for a curiosity nang isang simple individual aalamin nya kung anong nangyayari sa lugar nya bakit ang daming pusher na nagsu surrender hindi na curiosity ito it is duty for them.” Pahayag ni PNP CIDG director c/supt. Roel Obusan
By: Jaymark Dagala
