Kinumpirma ng PNP Crime Laboratory na Kalibre 45 baril ang nakapatay sa siklistang si Mark Vincent Garalde.
Ayon kay Crime Lab Director Chief. Supt. Emmanuel Aranas, ito ay batay sa tama ng bala na nakita sa katawan ni Garalde.
Ipinabatid ni Aranas na inaalam pa ng Crime Lab ang bala sa mga baril na nasa database nila para matukoy kung sino ang nagmamay-ari ng armas na pinanggalingan ng mga narekober na mga bala at basyo at posibleng matapos nila ito sa loob ng 2 araw.
Una nang inihayag ng PNP na batay sa kanilang datos, mayroong dalawang kalibre 45 baril at isang caliber 40 firearm ang suspek na si Vhon Tanto.
Pero, hindi pa sigurado sa ngayon kung ito ang kanyang ginamit sa pagbaril kay Galarde.
By: Meann Tanbio
