Dapat umanong pagtuunan ng pansin ng Philippine National Police (PNP) ang paghahabol sa pekeng bakuna sa halip na mag-ghost hunting.
Ayon kay Sen. Nancy Binay, dapat na tinututukan ng pnp ang mga sindikato o grupong nasa likod ng paggawa at pagbebenta ng pekeng bakuna.
Giit ni Binay, sayang lang ang oras ng pnp sa pagtatanong sa mga inosenteng indibidwal sa pagtutok sa mga maling lead at paghabol sa multo.
May mga criminal group aniya na nagsasamantala sa sitwasyon kaya ito ang dapat tutukan ng pnp dahil malaking banta ito sa kalusugan ng publiko.
Dapat alalahanin ng PNP ang kanilang tungkulin na mangalap ng mga mahahalagang impormasyon ukol sa illegal inoculations o illegal na pagbabakuna. —ulat mula kay Cely Ortega-Bueno (Patrol 19)
