Pinaiimbestigahan ni Philippine National Police (PNP) Chief Gen. Guillermo Eleazar sa Northern Police District ang gunrunner na kanilang naaresto sa ikinasang entrapment operations sa Pasay City kamakalawa.
Ayon sa PNP Chief, nais niyang malaman kung kumikilos ba na mag-isa ang suspek na si John Christian Bautista o kung konektado ba ito sa isang sindikato.
Nais ding alamin ni Eleazar kung paano at saan nakakukuha ng matataas na kalibre ng armas si Bautista at malaya niyang naibebenta ito online.
Kasunod nito, nagpaalala si Eleazar sa mga courier service providers na usisaing maigi ang mga ipinadadala sa kanilang kagamitan at tiyaking hindi ito naglalaman ng kontrabando.
