Inatasan ni PNP Chief Oscar Albayalde ang PNP Intelligence Group na suportahan ang Counter Intelligence Task Force sa pagtugis sa mga tiwaling pulis.
Ayon kay Albayalde, dapat regular na magsumite ang intelligence group at kanilang mga regional offices ng report kaugnay sa mga kinasasangkutang anomalya ng mga pulis.
Dagdag ng heneral titiyakin niyang mananaig ang disiplina sa ilalim ng kaniyang pamumuno.
Kasabay nito ang kaniyang pangakong isa siyang magiging huwarang modelo dahil hindi aniya siya magdedemand ng mga bagay na hindi niya kayang gawin sa kaniyang sarili.
Umaasa naman si Albayalde ng pagkakaisa sa kanilang hanay at sinabing bukas ang kaniyang tanggapan sa anumang reklamo.
