Iprinisinta ng Philippine National Police (PNP) ang halos P2-B halaga ng helicopters, mga sasakyan at mga bagong baril.
Nabili ang mga bagong kagamitan sa pamamagitan ng capability enhance program ng pambansang kapulisan.
Ang mga bagong kagamitan ay binubuo ng dalawang (2) airbus helicopters, mahigit isandaang (100) units ng patrol jeeps, mahigit sa tatlong daang (300) motorsiklo, syam na libong (9,000) short firearms, mahigit apatnapung (40) light machine guns, mahigit tatlong libong (3,000) bullet proof vests at mahigit isandaang (100) handheld radios.
Nakakuha rin ng halos limampung (50) bagong bomb sniffing dogs ang ibat ibang units ng PNP.
with report from Jaymark Dagala (Patrol 9)
