May hawak na umanong testigo ang pulisya kaugnay ng pananambang at pagpatay kay Sudipen, La Union Mayor Alexander Boquing.
Ito’y ayon sa binuong SITG o Special Investigation Task Group Boquing ang dahilan kaya’t natukoy na ng pulisya ang isa sa limang person’s of interest na tinututukan ngayon ng mga awtoridad.
Gayunman, wala pang inilalabas ang SITG at ang Police Regional Office 1 na facial composite sketch ng suspek sa naturang pagpatay.
Magugunitang tinambangan ang alkalde kasama ang asawa nitong si Vice Mayor Wendy Joy, driver nilang si Boni Depdepen gayundin ang nakisabay lamang na pulis na si PO2 Rolando Juanbe habang binabagtas ang kalsada sa bayan ng Bangar noong Oktubre 1.
