May paalala ang pambansang pulisya sa lahat ng mga magkasintahang magdiriwang ng Valentine’s Day ngayong araw.
Ayon kay PNP Spokesman C/Supt. John Bulalacao, dapat aniyang mag-ingat sa mga mananamantala tulad ng Salisi Gang lalo na sa mga pasyalan at restaurant.
Payo pa ng pulisya, huwag ugaliing mag-iwan ng mga mamahalin at mahahalagang bagay sa mga sasakyan para iwas sa bukas o Basag Kotse Gang.
Huwag din aniyang magpost sa social media hinggil sa mga plano ngayong Valentine’s Day para iwas naman sa mga Akyat Bahay Gang.
Pagtitiyak naman ni Bulalacao, ipakakalat ngayon ang maraming pulis sa mga pampublikong lugar pati na ang mga simbahan na natapat din sa Ash Wednesday.
Ulat ni DWIZ Patrol Reporter Jonathan Andal
Posted by: Robert Eugenio
