Muling magsasagawa ang PNP o Philippine National Police ng random drug testing matapos na mahuli sa pot session ang isang babaeng pulis na miyembro ng Special Action Force.
Ayon kay NCRPO Director Chief Supt. Guillermo Eleazar, sisiguraduhin niyang maisasama sa isasagawang drug testing ang mga pulis na nakalusot sa unang test.
Nagkataon kasing hindi nakasama sa random drug testing ang arestadong pulis na si PO3 Lynn Tubig na una nang umamin na gumagamit ng droga dahil sa depresyon.
Tiniyak ni Eleazar na magiging walang awa ang liderato ng PNP sa mga pulis na mahuhuling gumagamit ng droga.
