Nakakamatay ang mga bagong klase ng illegal na paputok na nagkalat ngayon sa ibat ibang panig ng bansa.
Paulit ulit itong ibina-babala ng Philippine National Police matapos masubukan ang lakas ng mga bagong paputok tulad ng Goodbye Colombia, Goodbye Philippines at Aldub.
Ayon kay Senior Supt Hector Maestral ng PNP Explosive and Ordinance Division, maihahalintulad sa bomba ang lakas ng mga bagong paputok batay sa ginawa nilang testing sa mga ito.
Sinabi ni Maestral na ang Goodbye Colombia , Goodbye Philippines at Aldub ay may lakas na puedeng makamatay ng tao at makasira ng mga ari arian.
Kung maiputok anya ito sa loob ng kulong na lugar tulad ng loob ng bahay ay maaari itong makawasak ng istraktura.
Ang Goodbye colombia ang sinasabing pinakamalakas sa tatlong bagong paputok.
Triangle ang itsura nito subalit kasinglaki di umano ng pamaypay.
By: Len Aguirre
