Nagbabala ang Philippine National Police (PNP) laban sa iba’t ibang modus at scam ngayong Kapaskuhan.
Ayon sa PNP, karaniwang dumarami ang mga magnanakaw tuwing nalalapit ang Pasko kung saan kabilang sa mga modus ay ang Salisi Gang, Budol Budol Gang, Ipit Gang, snatching at iba pa.
Maliban dito, naglipana din ang mga pekeng pera kayat pinapayuhan ang mga mamimili na suriin mabuti ang mga natatanggap na pera upang hindi malusutan.
Binigyang diin ng PNP na ang pinakamainam na sandata laban sa mga kawatan sa mga panahong ito ay ang pagiging alerto at pagkakaroon ng presence of mind.
By Ralph Obina
