Nagsagawa ng re-enactment ang Philippine National Police o PNP sa pagpatay kay Mayor Antonio Halili ng Tanauan Batangas noong Lunes, Hulyo 2.
Isinagawa ang re-enactment sa eksaktong oras na binaril si Mayor Halili habang isinagawa ang flag ceremony.
Pinangunahan ito ng mga miyembro ng Special Investigation Task Group Halili na kinuha sa Calabarzon Police.
Layon ng re-enactment na malaman ang trajectory ng balang tumama kay Halili at upang matiyak kung tama na sa masukal na talahiban sa tapat ng Tanauan City Hall pumuwesto ang gunman.
Nagpapatuloy ang masusing imbestigasyon sa kaso.
—-
