Nakikipag-ugnayan na ang Philippine National Police (PNP) sa New Bilibid Prison (NBP) para maprotektahan ang tatlo pang bilanggo na nag-utos umanong ipapatay ang mamamahayag na si Percy Lapid.
Ayon kay Southern Police District (SPD) Director at Special Investigation Task Group Head, Brig. Gen. Kirby Kraft, nagpadala na ng team sa NBP Para kumpirmahin kung nasa loob pa ng kulungan ang tatlong commander o mayor.
Ang tatlong mayor ng bilibid ang itinuro ng namatay na middleman na si Jun Villamor na siyang nag-utos upang planuhin ang pagpatay kay Percy.
Una nang ipinagutos ni PNP Chief, Gen. Rodolfo Azurin Jr. sa mga otoridad na protektahan ang pamilya ni Villamor na nasa probinsya maging ang pamilya mabasa matapos ibunyag ng mga ito na nakatatanggap sila ng banta sa kanilang buhay. – sa panulat ni Hannah Oledan
