Nangako ang PNP o Philippine National Police sa publiko na patuloy na iiral ang kabayanihan ng mga miyembro ng hanay ng pulisya.
Ito ay ayon kay PNP Spokesperson Brigader General Bernard Banac bilang pakikiisa sa pagdiriwang ng national heroes day ngayong araw.
Aniya, nasa puso at isipan na ng bawat Pilipino ang paglilingkod sa bayan at pag aalay ng buhay para rito.
Dagdag pa nito ay hanggat mayroon miyembro sa hanay ng pulisya ang nagsasakripisyo ng buhay para sa bayan ay hindi mauubusan ng bayani ang bansa.
Kinilala rin ni Banac ang lahat ng miyembro ng pulisya na nag alay ng kanilang buhay para sa ikabubuti at ikauunlad ng Pilipinas.
(with report from Jaymark Dagala)
