Naniniwala ang Philippine National Police o PNP na unti unti nang naibabalik ang tiwala ng publiko sa kanilang hanay.
Kasunod na rin ito ng pagkakasangkot ng PNP sa usapin ng drug recycling.
Sinabi ni Gamboa na hayaan na lamang ang publiko ang magsalita kung nakakatulong ang isinasagawang imbestigasyon kina dating PNP chief Oscar Albayalde at 13 iba pang pulis na sangkot umano sa pagre recycle ng droga sa 2013 drug raid.
Tiniyak naman ni Gamboa na magiging patas ang imbestigasyon sa kaso nina Albayalde at iba pang pulis. — ulat mula kay Jaymark Dagala (Patrol 9)
