Naka-full alert na ang Philippine National Police (PNP) Region 6 para sa Ati-Atihan Festival ngayong Linggo, Enero 21.
Sinabi ni Chief Superintendent Ceasar Hawthorne Binag, hepe ng PNP Region 6, na 1,400 pulis, sundalo, bumbero at medical personnel ang ikakalat para sa naturang okasyon.
Pinagana na aniya ang site task group Ati-Atihan Festival na siyang magpapatupad ng major event security framework sa aktibidad.
Hinikayat naman ng pulisya ang publiko na lalahok sa Ati-Atihan Festival na maging mapagmatyag at ireport kaagad sa mga otoridad ang mga mapapansing kahina hinalang indibidwal.
