Tututukan ng Philippine National Police o PNP ang internal cleansing sa pagpasok ng 2017.
Sa press briefing sa Camp Crame, sinabi ni PNP Chief Director General Ronald Dela Rosa na maraming ulo ang gugulong sa susunod na taon bilang bahagi ng paglilinis sa kanilang hanay.
Aminado naman si Dela Rosa na marami pa rin sa kanilang hanay ang sangkot sa krimen dahilan para mahigpit na ipatupad ang internal cleansing, kasabay ng pagpapatupad na mahigpit na programa kontra krimen.
Binanggit din ni Dela Rosa na mismong si Dating PNP Chief ngayo’y Senador Panfilo Lacson ang pumuna sa hindi masyadong pagtututok ng PNP sa internal cleansing.
By: Meann Tanbio / Jonathan Andal
