Naniniwala si Senator Grace Poe na magiging malaking tulong ang endorsement ng Pangulong Noynoy Aquino sakaling tumakbo siyang Pangulo o Pangalawang Pangulo sa susunod na taon.
Ayon kay Poe, magiging malaking karangalan kung sya ay i-eendorso ng Pangulo dahil ito ay matinong tao sa kabila ng ilang pagkukulang nito.
Lalong ayaw umano niyang maugnay sa mga taong walang maayos na reputasyon.
Kasunod ito ng naging pahayag ni Senator Sergio Osmeña na walang magiging epekto ang endorsement ng Pangulo sa susunod na eleksyon, dahil iboboto pa rin ng mga Pilipino ang kagustuhan ng mga ito.
By Rianne Briones
