Inamin ng TV host/comedienne na si Pokwang na hindi naging madali ang pasya niya na lumipat ng ibang istasyon.
Sa isang virtual press conference, sinabi ni Pokwang na kailangan niyang iwan ang ABS-CBN na naging tahanan niya ng 15 taon upang kumita para sa kanyang pamilya.
Malaki aniya ang nabago sa buhay niya nang makapasok sa Kapamilya network kaya’t nagpapasalamat siya nang sobra-sobra sa nabanggit na broadcast firm.
Si Pokwang ay kasalukuyang host ng game show sa TV5 na pinamagatang “Fill in the Bank” kasama ang misis ni Vic Sotto na si Pauleen Luna.
