Isang aktibong miyembro ng Quezon City Police District-Anti-Illegal Drugs Unit ang patay sa isang shootout sa kanto ng Regalado at Commonwealth Avenues.
Kinilala ang napatay na si Sr. Insp. Ramon Castillo, na na-corner sa isang buy bust operation malapit sa isang fastfood chain.
Ayon kay QCPD Director, Senior Supt. Guillermo Eleazar, matapos bumili ang kanilang poseur-buyer ng limang pack ng shabu kay Castillo ay tinangka itong arestuhin subalit tumakas gamit ang kanyang sasakyan patungong Regalado.
Gayunman, pagdating ni Castillo sa kanto ng Bulova Street ay saradong gate kaya’t hindi na ito naka-porma at napilitang magpaputok na agad namang ginantihan ng mga kapwa pulis.
Narekober naman mula sa sasakyan ng napatay na pulis ang limang pack ng shabu.
Samantala, ilan pang opisyal ng QCPD ang isinailalim sa surveillance habang bineberipika ang mga impormasyon hinggil sa kanilang pagkakasangkot umano sa illegal drugs trade.
By Drew Nacino | Jopel Pelenio (Patrol 17)
