Sinibak na sa serbisyo ang police officer na nanapak umano ng security guard sa NAIA terminal 1.
Ito ang kinumpirma ni Police Lieutenant Colonel Reynaldo Honrado, Public Information Officer ng Philippine National Police – Aviation Security Group (PNP-AVSEGROUP).
Sa pahayag ng acting director ng AVSEGROUP na si police colonel Anthony Aberin, sinabi nito na hindi nila kukunsintihin ang kanilang tauhan na napatunayang may pagkakamali at may nagawang taliwas sa sinumpaang tungkulin.
Tiniyak naman nila ang pag-iimbestiga sa nangyari kasabay ng pakikipagtulungan sa kinauukulan.
Matatandaang noong December 1 naganap ang umano’y hidwaan sa pagitan ng sekyu at police officer, matapos silang pigilan ng una na pumasok sa lobby exit area.
Sa ngayon, si Police Colonel Rhoderick Bulalacao Campo muna ang itinalagang OIC ng PNP-AVG na naiwan ng sinibak na pulis.
