Isinailalim na sa lifestyle check ang naarestong pulis na nahuli sa akto na naglalaro sa loob ng casino nuong Martes ng gabi.
Ayon kay PNP Spokesman Chief Superintendent John Bulalacao , agad na ipinag- utos ng pamunuan ng PNP – Internal Affairs Service ang pagsasailalim kay Police Superintendent Adrian Antonio sa lifestyle check bilang imbestigasyon laban dito.
Sinabi pa ni Bulalacao na hihimayin nila ang Statements of Assets and Liabilities ni Antonio para malaman ang kinikita nito at ang iba pa nitong asset and properties.
Anuman aniya ang magiging resulta sa lifestyle check, ay siyang gagamitin para sa pagsasampa ng kaso laban sa police official.
Binalaan din ng PNP ang lahat ng kanilang tauhan na mananagot sila sa oras na lumabag sa ipinatutupad nilang polisiya na nagbabawal sa mga pulis sa loob ng mga pasugalan at casino.
