Tiniyak ni House Speaker Gloria Macapagal-Arroyo na madaragdagan ng P20 billion ang panukalang P123.7 billion na 2019 budget ng Department of Agriculture (DA).
Ayon kay Speaker GMA, inatasan niya ang kamara na dagdagan ang budget ng DA dahil napansin nito na simula nuong siya ay pangulo ay patuloy ang pagbaba ng budget ng kagawaran.
Sinabi ni Arroyo na dapat taasan ang budget ng DA upang maisakatuparan ang mga proyekto nito partikular ang pagpapataas ng produksyon ng mga magsasaka na kailangan upang makontrol ng inflation.
