Welcome kay Ombudsman Conchita Carpio-Morales ang napaulat na nominasyon kay Supreme Court Associate Justice Teresita Leonardo – De Castro para pumalit sa kaniya sa posisyon.
Ito’y makaraang iendorso ni retired Associate Justice Arturo Brion si De Castro dahil sa ipinakita nitong tapang at integridad sa buong sangay ng hudikatura.
Ayon kay Morales na dati ring mahistrado ng Supreme Court, maaari namang maging nominado si De Castro lalo na kung kuwalipikado naman ito sa mga itinakdang pamantayan sa pagpili ng susunod na Tanodbayan.
Kaugnay nito, umaasa si Morales na isang katulad niya ang mauupong bagong Ombudsman lalo pa’t matindi ang pressure sa naturang tungkulin para sa bayan kaya’t kailangang manaig ang work ethics, competence at integrity.
Nakatakdang magretiro si Morales sa darating na buwan ng Hulyo habang sa Oktubre pa ng taong ito magreretiro si De Castro bilang mahistrado ng High Tribunal.
—-
